14 ára stúlka kölluð hóra

Þetta er myndin sem hefur valdið svo miklum deilum í ...
Þetta er myndin sem hefur valdið svo miklum deilum í Texas.

Mynd af 14 ára stúlku og föður hennar sem tóku þátt í að mótmæla nýrri fóstureyðingalöggjöf í Texas í Bandaríkjunum hefur leitt til þess að andstæðingar fóstureyðinga hafa kallað stúlkuna hóru. Stúlkan hefur sent frá sér yfirlýsingu þar sem hún segist aldrei hafa stunda kynlíf og ætli sér ekki að stundað það í náinni framtíð.

Í síðustu viku samþykkti ríkisþingið í Texas ný lög um fóstureyðingar. Frumvarpið er umdeilt en einum þingmanni demókrata, Wendy Davis, tókst með málþófi í vor að tefja afgreiðslu málsins. Málið var hins vegar tekið upp að nýju að loknu þinghléi. Andstæðingar laganna segja að þau jafngildi nánast banni á fóstureyðingum í ríkinu. Lögin fela í sér bann við fóstureyðingum þegar kona er gengin lengra en 20 vikur auk þess sem kröfur eru gerðar til læknamiðstöðva sem framkvæma fóstureyðingar um að uppfæra búnað eða loka ella. Andstæðingar laganna hafa haldið því fram að lögin þýði að 37 af 42 læknamiðstöðvum þar sem fóstureyðingar eru framkvæmdar í Texas verði lokað.

Umdeilt mótmælaspjald

Tuesday Cain, sem er 14 ára, tók þátt í mótmælunum ásamt Billy Cain föður sínum. Þau héldu á spjaldi sem Tuesday Cain bjó til en á því stóð: „Jesús er ekki typpi og á því ekkert erindi í píkuna mína.“ (Jesus isn't a dick so keep him out of my vagina).

Myndin og mótmælaspjaldið vakti hörð viðbrögð hjá andstæðingum fóstureyðinga sem kölluðu stúlkuna m.a. „hóru“. Billy Cain hefur tjáð sig um viðbrögð við myndinni þar sem hann segist vera stoltur af dóttur sinni, en harmar ákvörðun ríkisþings Texas.

Tuesday Cain hefur einnig brugðist við gagnrýni á hana fyrir að skrifa þessa setningu á mótmælaspjaldið. „Ég ætla að vera heiðarleg um hvað mér finnst um að 14 ára stúlka sem hefur aldrei stundað kynlíf og áformar ekki að gera það í náinni framtíð skuli vera kölluð hóra. Ég er vonsvikin. Það er erfitt fyrir mig að skilja hvers vegna fullorðið fólk kallar mig þessum nöfnum. Það er erfitt mig að skilja hvers vegna nokkur notar svona orð um 14 ára stúlku,“ segir Cain og bætir við að hún sé hins vegar jafnákveðin í því að berjast fyrir réttindum kvenna. Hún telji að ekki eigi að blanda saman trú og ríkisvaldi í heimaríki sínu Texas.

mbl.is
Lok á heita potta og hitaveituskeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
Útsala ! Kommóða og eldhússtólar...
Till sölu 3ja skúffu kommóða,ljós viðarlit. Lítur mjög vel út.. Verð kr 2000......
Skápur úr furu
Gæti hentað í sumarhúsið. S. 8691204...
Eldhússtólar
Til sölu 6 stk eldhússtólar, hvítir á stálfótum. Vel útlítandi. Verð kr 2500 st...