Skipstjóri skemmtiferðarskipsins Costa Concordia kennir stýrimanni skipsins um slysið sem varð til þess að það strandaði við strönd Ítalíu á síðasta ári. Francesco Schettino, skipstjóri skipsins, sagði fyrir rétti í dag að stýrimaðurinn hefði verið beðinn um að hægja á ferð skipsins en ekki farið eftir því. Þess í stað hefði hann haldið förinni áfram og stýrt skipinu í strand. Þetta kemur fram á fréttavef BBC.

Þrjátíu og tveir létust er skipið hvolfdi í janúar 2012. Skipstjórinn hefur verið ákærður fyrir morð, að valda skipbrotinu og yfirgefa því næst skipið. Hann segist aftur á móti hafa verið verður að blóraböggli, að sökum annarra hafi verið komið yfir á hann.

Rannsakendur málsins hafa áður sagt að tungumálaörðugleikar milli skipstjórans og stýrimannsins, sem er frá Indónesíu, gætu hafa átt þátt í slysinu. Siglingasérfræðingur sagði fyrir dómi að mistök stýrimannsins væru aðeins lítilvægur þáttur í atvikinu.

Gert er ráð fyrir því að réttarhöldin taki nokkrar vikur. Verði skipstjórinn fundinn sekur á hann yfir höfði sér allt að 20 ára fangelsi.

Frétt BBC um málið.

Tengdar fréttir

Costa Concordia

Staðfesti 16 ára fangelsisdóm

• Dómur staðfestur yfir skipstjóranum
• Kókaíni smyglað með farþegaskipum
• Skipstjórinn í 16 ára fangelsi
• Hann hafi dottið í björgunarbátinn

» Fleiri tengdar fréttir

• Blogga um frétt