Fór húsavillt og var rotaður

Rúmlega þrítugur karlmaður var kýldur í rot þegar hann fór í leyfisleysi inn í íbúð í fjölbýlishúsi í bænum Kirkenes nyrst í Noregi síðastliðinn föstudag. Maðurinn fór inn í íbúðina um klukkan sex að morgni að staðartíma og rotaði húsráðandi hann áður en nokkur samskipti höfðu farið fram á milli mannanna.

Haft er eftir lögreglunni í Kirkenes í norskum fjölmiðlum að líklega hafi maðurinn farið íbúðavillt. Hann hafi verið gestkomandi í annarri íbúð í húsinu og farið út í morgungöngu. Þegar hann hafi snúið til baka hafi hann farið inn í ranga íbúð. Maðurinn missti meðvitund við höggið og var fluttur á sjúkrahús í kjölfarið þar sem hann komst til meðvitundar síðar um daginn. Talið er að meiðsl mannsins hafi verið minniháttar.

Lögreglan segir að ekki hafi verið ákveðið hvort um sjálfsvörn af hálfu húsráðandans hafi verið að ræða en börn hafi verið viðstödd þegar atburðurinn hafi átt sér stað. Haft er eftir talsmanni lögreglunnar að takmörk séu fyrir því hvað hægt sé að skilgreina sem sjálfsvörn samkvæmt lögum og það verði metið síðar hvort það hafi átt við í þessu tilfelli.

mbl.is
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Infrarauðir Hitalampar fyrir allskyns verki 300w
Stórkostleg jákvæð áhrif á gikt, eykur virkni ýmissa ensíma sem bæta blóðrás og ...
Bátakerra .
Tilboð óskast uppl. 8691204....
Tæki fyrir traktorinn
Við erum með jarðtætara, hagasláttuvélar, kurlara og allt mögulegt fyrir traktor...