Skömm breyst í gleðilegt mont

AFP

Tólf ára stúlka varð um helgina yngsta móðir Bretlands. Hún var enn í grunnskóla er hún varð ólétt. Faðir barnsins er eldri. Hann er 13 ára. „Guð forði okkur frá því að gagnrýna það þegar 11 ára dóttir þín byrjar að stunda kynlíf með 12 ára gömlum kærastanum,“ skrifar dálkahöfundur Telegraph um málið og beinir orðum sínum til ömmu litla barnsins, sem sjálf er aðeins 27 ára.

Mikil umfjöllun hefur verið í bresku pressunni undanfarna daga um hina kornungu foreldra. Fjölskylda þeirra hefur stigið fram og sagst ætla að styðja unga parið. Amma litla barnsins var sjálf á táningsaldri er hún átti hina barnungu móður, svo hún segist ekki gagnrýna óléttuna, að því er fram kemur í frétt The Sun.

Allison Pearson, dálkahöfundur Telegraph, er ein þeirra sem telur langt frá því í lagi að 12 ára gamalt barn eignist barn. Slíkt megi gagnrýna. Pistill hennar ber reyndar yfirskriftina: Tólf ára móðir er ekki mál ljósmóðurinnar heldur lögreglunnar.“

Bendir hún m.a. á að í raun séu kynmök við 11 ára stúlku ólögleg, jafnvel þótt að drengurinn sé sjálfur litlu eldri.

„Það sem áður var skömm að og gagnrýnt hefur yfir þrjár kynslóðir breyst í gleðilegt mont,“ skrifar Pearson um viðbrögð fjölskyldu ungu foreldranna. 

Pearson rifjar upp að í einu viðtali við fjölskyldumeðlim segi að ungu foreldrarnir hafi verið í sambandi í meira en ár, „svo þetta er ekkert stundargaman.“ Þá hafi komið fram að þau ætli sér að halda sambandi sínu áfram og ala barnið upp saman.

„Í sambandi? Fullorðin manneskja á í sambandi, tólf ára barn á leikjatölvu.“

Þá bendir Pearson á að málið snúist um það að barnæska hinnar ungu móður sé nú lokið. Þá gagnrýnir hún ömmuna, sem sjálf var aðeins fimmtán ára er hún átti dóttur sína. Hún er því aðeins 27 ára og ein yngsta amma Bretlandseyja. „Af því að hún eignaðist sjálf barn aðeins fimmtán ára gömul hefði hún átt að reyna að vernda dóttur sína fyrir sömu örlögum.“

Hér má lesa pistil Pearson í heild.

mbl.is
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
Sumarhús til sölu...
Fallegt sumarhús í Biskupstungum til sölu. 55 fm á einni hæð, viðhaldslaus klæ...
Akureyri - vönduð íbúðagisting
Vönduð og vel útbúin íbúðagisting. Uppábúin rúm, net og lokaþrif. Komdu á norður...
 
Félagsstarf
Staður og stund
Aflagrandi 40 Opin vinnustofa kl. 9, jóg...
Uppboð
Tilkynningar
UPPBOÐ Boðnir verða up...
Bækur til sölu
Til sölu
Bækur til sölu Menntamál 1.-42. árg. ...
Hádegisfundur
Fundir - mannfagnaðir
ses.xd.is Samtök eldri sjálfstæði...