Desmond Tutu gagnrýnir Norðmenn

Erkibiskupinn og Nóbelsverðlaunahafinn Desmond Tutu.
Erkibiskupinn og Nóbelsverðlaunahafinn Desmond Tutu. AFP

Desmond Tutu, erkibiskup og Nóbelsverðlaunahafi, gagnrýnir stjórnvöld í Noregi harðlega fyrir að neita að hitta Dalai Lama, andlegan leiðtoga Tíbeta, þegar hann kemur í opinbera heimsókn til landsins næsta miðvikudag.

„Ég hef alltaf borið mikla virðingu fyrir Noregi. Nú get ég það ekki lengur,“ sagði Tutu í samtali við norska ríkisútvarpið.

Børge Brende, utanríkisráðherra Noregs, greindi frá því í vikunni að enginn úr norsku ríkisstjórninni myndi hitta Dalai Lama þegar hann kæmi í heimsókn. Hann sagði að afstaðan hefði ráðist af þeirri stöðu sem upp væri komin í samskiptum Kínverja og Norðmanna.

Lítið sem ekkert pólitískt samband væri á milli landanna.

Gaf Brende það í skyn að norska ríkisstjórnin vildi eftir fremsta megni komast hjá því að eiga í frekari illdeilum við stjórnvöld í Kína. Kínversk stjórnvöld gagnrýndu á sínum tíma harðlega þá ákvörðun norsku nóbelsnefndarinnar að veita andófsmanninum Liu Xiaobo friðarverðlaun Nóbels.

Tutu sagði hins vegar við norska ríkisútvarpið að hann gæti ekki borið virðingu fyrir þeim sem veldu peningana fram yfir allt annað.

„Með því að snúa baki við Dalai Lama hafið þið einnig snúið baki við því sem þið hafið verið þekkt fyrir,“ sagði Tutu.

mbl.is

Frá Sýrlandi til Evrópu - Greinaflokkur

Ford Ranger double cab,4x4 Diesel 2005
Ford Ranger díesel 2005 double cab með húsi,ekinn 294þ.5 gíra.góð dekk, smurbók,...
Ford Escape til sölu
Til sölu Ford Escape jeppi, benzín, árgerð 2007, ekinn 193.000km. Ekkert ryð, ve...
Ertu með krabbamein á byrjunarstigi?
Eftir hægðir setur þú eitt Ez Detect prófblað í salernið. Ef ósýnilegt blóð e...
 
Framboðslisti
Fundir - mannfagnaðir
Framboðslisti Sjál...
Félagsstarf
Staður og stund
Aflagrandi 40 Opin vinnustofa frá kl. 9,...
Byggðakvóti
Tilkynningar
Auglýsing vegna úthlutunar byggða...
Ert þú skapandi
Sérfræðistörf
Ert þú SKAPANDI? Árvakur leitar eftir...