Danski þjóðarflokkurinn með mest fylgi

Danski þjóðarflokkurinn er sigurvegari kosninganna til Evrópuþingsins í Danmörku samkvæmt útgönguspá sem gerð var fyrir danska ríkisútvarpið og fær 23% fylgi ef þær ganga eftir. Þetta kemur fram í frétt AFP en kosningunum lauk í dag.

Fram kemur í fréttinni að Jafnaðarmannaflokkur Helle Thorning-Schmidt, forsætisráðherra Danmerkur, verði í öðru sæti samkvæmt útgönguspánni og fái 20,2%. Frjálslyndi flokkurinn Venstre er í þriðja sæti með 17,2%.

Gangi útgönguspáin eftir fær Danski þjóðarflokkurinn þrjá af 13 þingmönnum Danmerkur á Evrópuþinginu.

• 2 blogg um fréttina

Bloggað um fréttina

• Heimssýn: Kosningarnar áfall fyrir ESB
• Páll Vilhjálmsson: Austur-Evrópa hafnar ESB með sinnuleysi