Ryðkláfurinn senn í sína hinstu ferð

Enn er unnið að því að koma skemmtiferðaskipinu Costa Concordia af strandstað við ítölsku eyjuna Giglio. Þrjátíu loftpúðar eru notaðir til verksins sem og miklar keðjur til að draga skipið á leiðarenda en það verður notað í brotajárn.

Costa Concordia strandaði í janúar árið 2012 og hefur því verið á strandstað í meira en tvö og hálft ár. 

Á þriðjudag var síðustu keðjunum komið í skipið en í dag og á morgun verður hafist handa við að draga það burt. Þegar er búið að koma því nokkuð frá ströndinni. 

Endastöð skipsins verður í Genúa, í norðvesturhluta Ítalíu. Þar verður skipið tekið í sundur.

mbl.is
Fleira áhugavert
Fleira áhugavert