Rob Ford í lyfjameðferð
Setja bókamerki
Rob Ford, borgarstjóri Toronto, sem vakti heimsathygli þegar að myndband af honum að reykja krakk komst á yfirborðið, mun hefja lyfjameðferð fljótlega en hann greindist nýlega með krabbamein í maga.
Þetta sagði læknir hans í dag. Ford hefur verið á sjúkrahúsi í rannsóknum síðustu vikuna. Neyddist hann til þess að hætta við framboð sitt í borgarstjórnarkosningunum sem fram fara 27. október.
Borgarstjórinn, sem er 45 ára gamall, sneri aftur til vinnu í júní eftir að hafa verið í meðferð við eiturlyfja og áfengisfíkn í tvo mánuði.
Ford fór á sjúkrahús í síðustu viku eftir að hafa fundið fyrir miklum kviðverkjum. Í ljós kom að hann var með krabbameinsæxli í maga.
Næstu mánuði mun Ford fara reglulega í þriggja daga lyfjameðferð sem á að minnka æxlið, sem er 12 sinnum 12 sentímetrar að stærð.
Katrín: Jóhönnustjórnin talaði máli Íslands
Fara ekki lengur fram á einangrun yfir Davíð
Moses Hightower og Prins Póló gefa út eyjalag
„Mér finnst Halla Hrund svona Vigdísarleg“
Átta morðmál á aðeins tólf mánuðum
Tæknideild komin norður vegna andlátsins
Segir nýtt frumvarp gefa eldisfyrirtækjum auðlindir