Enn á eftir að finna sextán lík

Talið er að enn eigi eftir að finna lík sextán fjallgöngumanna á eldfjallinu Ontake í Japan sem voru þar þegar gos hófst síðastliðinn laugardag.

47 lík hafa fundist á fjallinu í björgunaraðgerðum síðustu daga. Leit hefur gengið erfiðlega vegna mikillar gasmengunar.

Nokkur óvissa hefur verið með fjölda þeirra sem voru á fjallinu þegar gosið hófst og þar af leiðandi hversu mörgum lík hafa ekki fundist.

Rætt hefur verið við göngufólk og fjölskyldur þeirra, ásamt því að skýrslur þeirra sem leggja á fjallið hafa verið kannaðar. 

Þorpsbúar telja aftur á móti að miklu fleiri hafi verið á fjallinu þegar gosið hófst þar sem aðeins hluti af þeim sem fara á fjallið tilkynna um ferðir sínar.

Tala látinna komin í 43

Gýs Fuji næst?

• Blogga um frétt