Ökuþórinn Michael Schumacher grætur er hann heyrir raddir sem hann þekkir, s.s. eiginkonu sinnar og barna. Þetta kemur fram í ítalska dagblaðinu Corriere della Serra. Schumacher varð 36 ára þann 3. janúar. Hann lenti í alvarlegu skíðaslysi fyrir rúmu ári síðan. Fréttir herma að hann geti ekki tjáð sig nema með því að nota augun.

Schumacher eyddi afmælisdeginum með eiginkonu sinni, syni og dóttur á heimili þeirra við Geneva-vatn. Þar hefur hann dvalið frá því hann var fluttur af sjúkrahúsi í september.

Í frétt Daily Times segir að stundum renni tár niður andlit hans og að hann gráti er hann heyri raddir barna sinna og eiginkonu. 

Schumacher var í dái í níu mánuði eftir slysið sem varð 29. desember 2013. Hann fékk alvarlega höfuðáverka og gekkst undir að minnsta kosti tvær skurðaðgerðir. Í frétt blaðsins Autosprint segir að Schumacher geti nú setið uppréttur en haft hefur verið eftir eiginkonu hans að hann sé á hægum batavegi.

Tengdar fréttir

Schumacher

Schumacher á sjúkrahúsi í París

• Schumacher 50 ára — ástandið enn óljóst
• Schumacher enn að berjast
• Schumacher sagður á förum vestur
• Ástand Schumacher áfram óljóst

» Fleiri tengdar fréttir

• Blogga um frétt