Pútín: Leyfðu konunni að fá sér hund
Setja bókamerki
Pútín Rússlandsforseti þurfti að svara margvíslegum spurningum í langri útsendingu í gær. Hann var m.a. spurður um stríðið í Úkraínu, viðskiptaþvinganir á Írana og sambandið við vesturlönd. Ein spurning stóð þó upp úr. Hún snérist um hund.
Árlega svarar Pútín fjölda spurninga almennings í beinni útsendingu. Eins og gefur að skilja eru málefnin margvísleg.
Ein kona hringdi og sagði að vinkonu sinni langaði í hund. Hins vegar vildi eiginmaður vinkonunnar, hermaðurinn Boris, ekki fá hund. Hvað var til ráða? Gæti forseti Rússlands skipað Boris að samþykkja hundinn?
Pútín byrjaði á því að stinga upp á því að Boris keypti einfaldlega loðfeld handa eiginkonunni í stað hunds. Hann hélt svo áfram og sagði að hann gæti ekki skipað manni að fá sér hund. Ekki einu sinni forseti Rússlands, gæti gert það.
En Pútín fór fljótlega að skipta um gír: „Boris, gerðu það, leyfðu konunni þinni að kaupa hund. Það mun styrkja fjölskylduna ykkar,“ sagði Pútín.
Því næst tók hann við símtölum um stjórnmálasamband Rússa við Bandaríkin og fleiri vesturveldi.
Íslendingar ein mest einmana þjóð heims
Fiskikóngurinn: „Mér fannst sárt að heyra það“
Áköf mótmæli í bandarískum háskólum
Áverkar bentu til manndráps
Katrín: Jóhönnustjórnin talaði máli Íslands
Átta morðmál á aðeins tólf mánuðum
„Þetta náttúrulega endar með ósköpum“