Bilað app seinkaði tugum flugferða

AFP

Bandaríska flugfélagið American Airlines neyddist til þess að seinka brottför fjölda farþegaþotna sinna í gærkvöldi vegna bilunar í appi í iPad-spjaldtölvum sem flugmenn félagsins nota til þess að undirbúa flugtak. Spjaldtölvurnar voru teknar í notkun árið 2013 en notkun þeirra þýðir að flugmenn þurfa ekki að burðast með 16 kíló af handbókum í pappírsformi um borð.

Bilunin í appinu þýddi hins vegar að farþegaþotur American Airlines á fjölmörgum stöðum gátu ekki farið í loftið þar sem flugmennirnir höfðu ekki aðgang að þeim nauðsynlegu gögnum sem var að finna í spjaldtölvunum. Fjallað er um málið á fréttavef breska dagblaðsins Guardian þar sem staðfest er af talsmanni flugfélagsins að þetta hafi gerst. Í sumum tilfellum hafi þotur þurft að fara aftur upp að flugstöðvum til þess að komast í netsamband og leysa málið.

Fram kemur í fréttinni að málið hafi valdið talsverðu raski á flugáætlun American Airlines og unnið hafi verið að því að bæta úr því og koma farþegum á áfangastað. Haft er eftir öðrum talsmanni flugfélagsins að bilunin hafi haft áhrif á nokkra tugi flugferða.

mbl.is
NUDD- LÁTTU ÞER LIÐA VEL.
Verð ekki við vinnu fyr en um eða eftir miðjan mars . SIMI 863-2909...
Vel með farinn Golfbíll til sölu á kr. 400.00
Bíllinn er með nýjum rafgeimum og mjög vel með farinn að öllu leiti. upplýsing...
Málun bílastæða
Vertíðin hafin leitið tilboða: S: 551 4000 - verktak@verktak.is eða á http...
INTENSIVE ICELANDIC, ENGLISH, NORWEGIAN, DANISH & SWEDISH f. foreigners - ÍSLENSKA f.útl - ENSKA - NORSKA, DANSKA, SÆNSKA
ÍSLENSKA, ENSKA, NORSKA, DANSKA, SÆNSKA I, II, III, IV, V, VI: Starting dates...