Óttast að viðræðurnar verði bitbein

AFP

Viðræðum um fyrirhugaðan fríverslunarsamning á milli Evrópusambandsins og Bandaríkjanna lýkur ekki fyrir næstu áramót eins og vonast hafði verið til. Þetta staðfesti aðalsamningamaður sambandsins, Ignacio Garcia Bercero, á blaðamannafundi í Berlín, höfuðborg Þýskalands, í gær.

Fram kemur á fréttavefnum Euobserver.com að samninganefndunum hafi síðast verið fyrirskipað að ljúka viðræðum í desember á þessu ári. Forystumenn Evrópusambandsins vilji ógjarnan að viðræðurnar verði að bitbeini í kosningabaráttunni á næsta ári vegna forsetakosninganna í nóvember 2016. Hætta sé á að líkurnar minnki á að mögulegur samningur verði staðfestur af Bandaríkjaþingi í miðri kosningabaráttu.

Bercero sagði þannig ljóst að árið 2015 dygði ekki til þess að ljúka viðræðunum. Viðræður munu því ná fram á næsta ár. Hvenær þeim lýkur er óvíst en tímamörkin vegna þeirra hafa áður verið framlengd. Viðræðurnar hófust árið 2013 og átti upphaflega að ljúka þeim árið 2014. 

mbl.is
Einstakt sumartilboð - 14,44 fm Garðhús - kr. 375.900,-
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...
Eldhússtólar
Til sölu 6 stk eldhússtólar, hvítir á stálfótum. Vel útlítandi. Verð kr 2500 st...
Útsala ! Kommóða og eldhússtólar...
Till sölu 3ja skúffu kommóða,ljós viðarlit. Lítur mjög vel út.. Verð kr 2000......
Hvernig líst þér á Natalie
Vissir þú að nú er 40.000 kr afsláttur af Natalie? Klikkaðu á linkinn fyrir neð...