Rekin fyrir færslu á Facebook

Einstæð móðir í Texas var rekin á fyrsta degi í nýju starfi í leikskóla. Skýringin var sú að hún skrifaði færslu á Facebook sem fór mjög illa í nýju yfirmennina.

Í færslunni skrifaði hún m.a. að hún þyldi ekki að vera í kringum börn. Móðirin, sem er 27 ára, gætti ekki að því að færslan var opin öllum, ekki aðeins vinum hennar. „Ég byrja í nýju starfi á leikskóla í dag en ég algjörlega þoli ekki að vinna á leikskóla,“ skrifaði hún m.a. 

Yfirmaður leikskólans komst á snoðir um færsluna og tilkynnti konunni að hún þyrfti ekkert að vera að því að mæta í vinnuna.