Sannur Finni utanríkisráðherra

Leiðtogar nýrrar ríkisstjórnar Finnlands: Timo Soini, leiðtogi Sannra Finna (t.v.), ...
Leiðtogar nýrrar ríkisstjórnar Finnlands: Timo Soini, leiðtogi Sannra Finna (t.v.), Juha Sipilä, formaður Miðflokksins (f.m.) og Alexander Stubb, formaður Sameiningarflokksins (t.h.). AFP

Timo Soini, formaður Sannra Finna, hefur verið skipaður utanríkis- og Evrópumálaráðherra nýmyndaðrar ríkisstjórnar Finnlands. Flokkur hans hefur verið afar andsnúinn Evrópusambandinu. Aðhald og örvun hagvaxtar eru sögð helstu baráttumál nýju ríkisstjórnarinnar. 

Hægriöfgaflokkurinn Sannir Finnar eru nú í fyrsta skipti í ríkisstjórn eftir að hann nærri því fimmfaldaði fylgi sitt í þingkosningunum sem fóru fram 17. apríl. Juha Sipilä, nýr forsætisráðherra Finnlands og formaður Miðflokksins, kynnti ríkisstjórn sína í morgun en hún er samsteypustjórn þriggja flokka. Auk Miðflokksins og Sannra Finna á Sameiningarflokkurinn aðild að ríkisstjórninni.

Á blaðamannafundi í Helsinki í morgun ræddu leiðtogar flokkanna ríkisstjórnarsáttmálann. Þar kom fram að nýja stjórnin muni leggja áherslu á að draga úr skuldum ríkisins en einnig að koma hagvexti aftur af stað með opinberum framkvæmdum, að því er kemur fram í frétt finnska ríkisútvarpsins YLE.

mbl.is