Heimilin betur sett utan ESB

Dæmigert breskt heimili sparaði tæplega eitt þúsund pund á ári ef Bretland segði skilið við Evrópusambandið. Þetta er niðurstaða nýrrar rannsóknar sem unnin var á vegum bresku hugveitunnar Business for Britain. Fréttavefur Daily Telegraph segir frá.

Meðal annars yrðu matvæli ódýrari þar sem hægt yrði að flytja þau inn í auknum mæli frá ríkjum utan ESB á hagstæðari kjörum og án tolla sambandsins. Sama ætti við um fatnað. Sömuleiðis þýddi úrsögn úr ESB að Bretland væri ekki lengur bundið af kostnaðarsömu regluverki sambandsins sem væri til þess fallið að hækka verð til neytenda.

Ennfremur kemur fram í niðurstöðum rannsóknarinnar að bresk fyrirtæki sem eigi í viðskiptum við önnur ríki Evrópusambandsins yrðu engu verr sett ef Bretland yfirgæfi sambandið jafnvel þó ekki yrði samið um fríverslun þar á milli enda sparaði úrsögnin breskum stjórnvöldum há framlög til ESB sem nota mætti til að bæta fyrirtækjunum upp mögulega hærri tolla.

Þá kemur fram í rannsókninni að án grundvallarbreytinga á veru Bretlands í Evrópusambandinu væri hagsmunum landsins betur borið utan sambandsins.

• 3 blogg um fréttina

Bloggað um fréttina

• Ægir Óskar Hallgrímsson: Nú????
• Heimssýn: Heimilin spara á því að vera utan ESB
• Samtök um rannsóknir á ESB ...: Brezk heimili yrðu betur sett utan Evrópusambandsins