Hægt verður að setja á viðskiptaþvinganir gagnvart Írönum á nýjan leik ef þeir standa ekki við samkomulagið sem náðist á þriðjudaginn um kjarnorkuáætlun landsins.

Ákvæði þess efnis má finna í samkomulaginu, en það mun gilda í fimmtán ár, samkvæmt bréfi sem AFP hefur undir höndum.

Samkvæmt tíu ára samkomulaginu sem náðist á milli Írans og stórveldanna sex á þriðjudaginn verður efnahagslegum refsiaðgerðum gagnvart Írönum aflétt gegn því að Íranir hægi á kjarnorkuáætlun sinni og komi sér til að mynda ekki upp kjarnorkuvopnum.

En ákvæðið um að hægt sé að setja viðskiptaþvinganir á að nýju, ef Íranir standa ekki við samkomulagið, þykir heldur óvenjulegt, að mati sérfræðinga.

Gert er ráð fyrir að öryggisráð Sameinuðu þjóðanna samþykki á næstu dögum stuðningsyfirlýsingu við samkomulagið. Deila um kjarnorkuáætlun Írana hefur staðið yfir frá því árið 2002. Stórveldin sex hafa lengi óttast að Íranir hyggist koma sér upp kjarnorkuvopnum.

Tengdar fréttir

Íran

Leiðtogar G7-ríkjanna funda vegna árásarinnar

• Ísland fordæmir árásina
• Skutu 300 drónum og flugskeytum
• Árásirnar í Írak og Sýrlandi bara „upphafið“
• Hyggja á röð árása í Írak og Sýrlandi

» Fleiri tengdar fréttir

• Blogga um frétt