Sérfræðingur í réttarmeinafræði segir að lífssýni sem fundust á verkfæri sem talið er hafa verið notað til að myrða tvo breska ferðalanga á eyjunni Koh Tao í september í fyrra ekki vera af farandverkamönnunum tveimur sem ákærðir eru í málinu.

Aðalmeðferð fer nú fram í málinu. Lík þeirra Hönnuh Witheridge og David Miller fundust á strönd eyjunnar. Konunni, sem var 23 ára, hafði verið nauðgað og þá voru þau bæði með líkamlega áverka. Zaw Lin og Wei Phuo, báðir 22 ára, eru ákærðir í málinu en segjast saklausir. Þeir játuðu á sig morðin en drógu játningarnar til baka nokkru síðar þegar þeir höfðu rætt við lögfræðinga.

Réttarmeinafræðingar segja lífssýni mannanna ekki vera á verkfærinu. Þá hafi lögregla staðið illa að rannsókn á vettvangi á ströndinni þar sem líkin fundust og hafi lögregla meðal annars ekki rannsakað blóðslettur. Eitt líkið var fært og sönnunargögnum þannig spillt. Einnig voru fáar myndir teknar á vettvangi.

Koh Tao er vinsæl meðal ferðalanga. AFP

Tengdar fréttir

Ungir Bretar myrtir á Taílandi

Anonymous í stríð við lögregluna

• Hótuðu að draga tennur úr honum
• Kastaði upp við frásögn sonarins
• Grunaðir um hrottaleg morð
• Lífsýnin ekki rannsökuð á ný

» Fleiri tengdar fréttir

• Blogga um frétt