Upptökumaður BBC leitaði aðhlynningar á sjúkrahúsi í gær eftir að hafa verið hrint í jörðina af bílstjóra Jeremy Corbyn, nýkjörins leiðtoga Verkamannaflokksins. James Webb var að mynda Corbyn þegar atvikið átti sér stað en upptaka hefur ratað á samfélagsmiðla.

Á upptökunni, sem sýnir atvikið frá sjónarhóli Webb, sést hvernig skotið fer af Corbyn og á malbikið er myndatökumaðurinn fellur. Þess ber að geta að umræddur bílstjóri, sem hefur verið bendlaður við atvikið, sést ekki á upptökunni.

Heimildarmaður innan BBC sagði í samtali við Guardian að Webb væri reiður vegna atviksins en stofnunin hefði ekki ákveðið hvort það verður tilkynnt til lögreglu.

<blockquote class="twitter-tweet">

WATCH: <a href="https://twitter.com/hashtag/Corbyn?src=hash">#Corbyn</a> not having great luck with cameras at the moment. <a href="http://t.co/fK5iysQVJM">pic.twitter.com/fK5iysQVJM</a>

— Darren McCaffrey (@DMcCaffreySKY) <a href="https://twitter.com/DMcCaffreySKY/status/643753360785588224">September 15, 2015</a></blockquote><script async="" charset="utf-8" src="//platform.twitter.com/widgets.js"></script><div id="embedded-remove"> </div>

Talsmaður Verkamannaflokksins sagði bílstjórann á vegum bifreiðaþjónustu ríkisins og vísaði fyrirspurnum til samgönguráðuneytisins.

Webb neitaði að tjá sig við Guardian þegar eftir því var leitað og BBC hafði ekki svarað formlegri fyrirspurn um málið þegar frétt Guardian var birt fyrir stundu.

Talsmaður samgönguráðuneytisins sagði atvikið í rannsókn, þ. á m. meint aðkoma bílstjórans.