Francois Hollande Frakklandsforseti segir hryðjuverkaárásirnar í París í gærkvöldi vera stríðsyfirlýsing af hálfu hryðjuverkasamtakanna Ríkis íslams, en samtökin hafa lýst yfir ábyrgð sinni á árásunum. Forsetinn hefur lýst yfir þriggja daga þjóðarsorg vegna árásanna. 

Skólum, mörkuðum, söfnum og stærri ferðamannastöðum hefur verið lokað í dag í kjölfar árásanna. Sömuleiðis hefur íþróttaviðburðum verið aflýst í frönsku höfuðborginni. Haft er eftir Laurent Fabius, utanríkisráðherra Frakklands, í frétt AFP árásirnar sýndu að mikilvægara væri en nokkru sinni að ríki heimsins tækju höndum saman gegn hryðjuverkum. Hét hann því að hernaðaraðgerðir Frakka gegn hryðjuverkasamtökum myndu ekki hætta.

Lagði hann sérstaklega áherslu á mikilvægi þess að halda áfram baráttunni gegn Ríki íslams en Frakkar hafa meðal annars tekið þátt í loftárásum á hryðjuverkasamtökin í Sýrlandi.

Blóm og kort við Carillon veitingahúsið í París þar sem ein hryðjuverkaárásanna átti sér stað. AFP

AFP

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• 2 blogg um fréttina

Bloggað um fréttina

• Ásgrímur Hartmannsson: Og Charlie Hebdo árásin var það ekki?
• G. Tómas Gunnarsson: Hryðjuverkin í Frakklandi eiga sér rætur í islam