Verða Grikkir reknir úr Schengen?

Alexis Tsipras, forsætisráðherra Grikklands.
Alexis Tsipras, forsætisráðherra Grikklands. AFP

Evrópusambandið hefur varað Grikki við því að taki þeir ekki almennilega á flóttamannavandanum sem þeir glíma við fyrir miðjan desember standi þeir frammi fyrir því að verða reknir úr Schengen-samstarfinu. Þetta kemur fram í frétt viðskiptablaðsins Financial Times í gær og ennfremur að evrópskir ráðherrar og embættismenn sambandsins sjái hótun um brottrekstur sem örþrifaráð til þess að reyna að ýta á gríska ráðamenn í þessum efnum.

Verði hótunin framkvæmd verður það í fyrsta sinn sem ríki verður rekið úr Schengen-samstarfinu. Hótunin kemur í kjölfar yfirlýsinga forystumanna innan Evrópusambandsins um að herða þurfi eftirlit á ytri mörkum Schengen-svæðisins til þess að reyna að bjarga því. Evrópusambandið hyggst síðar í þessum mánuði leggja fram tillögu um að komið verði á fót sameiginlegri landamæralögreglu sem hefði vald til þess að taka yfir gæslu á ytri mörkum Schengen-svæðisins segir í fréttinni. Jafnvel gegn vilja ríkja á ytri mörkunum eins og Grikklands. Ísland er eitt þeirra Schengen-ríkja sem gætir ytri marka svæðisins.

Evrópusambandið hefur gagnrýnt grísk stjórnvöld harðlega fyrir að hafna aðstoð frá sambandinu við að styrkja gæslu landsins á ytri mörkum Schengen-svæðisins. Innanríkisráðherrar Evrópusambandsins funda á næsta föstudag og er búist við að málið verði tekið til umræðu. Grikkir hafi ítrekað verið varaðir við brottrekstri í þessari viku. Þar á meðal í heimsókn Jean Asselborn, utanríkisráðherra Lúxemburg, til Grikklands en landið fer með forsætið innan Evrópusambandsins fram að áramótum.

mbl.is

Bloggað um fréttina

Rafknúinn lyftihægindastól
Til sölu rafknúinn lyftihægindastól frá Eirberg kostar nýr 124 þ Upplýsingar au...
Til leigu - íbúð við Löngumýri,Garðabæ
Til leigu 3ja herb. íbúð, laus frá 1. september nk. Leigist aðeins reyklausum o...
Gæjalegur retro leðursófi frá Casa til sölu
Til sölu hvítur, ítalskur 3ja sæta hönnunarsófi. Keyptur í versluninni Casa og k...
Infrarauðir Hitalampar fyrir allskyns verki 300w
Stórkostleg jákvæð áhrif á gikt, eykur virkni ýmissa ensíma sem bæta blóðrás og ...