Brottför rússnesks herliðs frá Sýrlandi mun auka þrýstinginn á Bashar al-Assad, forseta Sýrlands, að semja um pólitíska breytingu í landinu. Þetta segir utanríkisráðherra Þýskalands, Frank-Walter Steinmeier, en fyrr í dag sagði Vladimir Pútín, forseti Rússlands, að her landsins hefði náð markmiðum sínum í Sýrlandi og myndi að mestu hverfa á brott.

Tímabundið vopnahlé sem herlið Assad samdi við andstæðinga sína í Sýrlandi hefur að mestu haldið síðan 27. febrúar, en hvorki ríki íslams eða Nusra hópurinn eru taka þátt í vopnahléinu.

Friðarviðræður standa yfir þessa dagana í Genf í Sviss og er framtíð Assad þar mikið í umræðunni. Steinmeier sagði við fréttamenn að ef vopnahléið núna væri loksins merki um að fylkingar í landinu væru orðnar þreyttar á átökunum og hefðu komist að þeirri niðurstöðu að enginn einn gæti unnið stríðið, þá væri von um að pólitísk lausn gæti virkað.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt