Aðgerðasinnarnir í hakkarahópnum Anonymous ætla að láta til skarar skríða gegn forsetaframbjóðandanum Donald Trump. Fulltrúi hópsins segir Trump hafa hneykslað heimsbyggðina með hatursfullri kosningabaráttu sinni með „ógeðfelldum“ gjörðum sínum og hugmyndum.

Í myndbandi sem birtist á Youtube-rás hakkaranna hvetur grímuklæddur maður þá sem tilheyra hópnum til að ráðast gegn vefsíðum Trump 1. apríl, rannsaka hvað þar er að finna og afhjúpa það sem hann vill ekki að almenningur viti.

„Við þurfum á því að halda að þið takið í sundur framboð hans og skemmið vörumerkið hans,“ segir fulltrúinn að því er kemur fram í frétt Fortune.

Anonymous lýsti yfir stríði gegn Trump í desember í kjölfar yfirlýsinga hans um að loka ætti Bandaríkjunum fyrir múslimum. Réðust hakkararnir meðal annars á vefsíðu frambjóðandans í forvali repúblikana. Óstaðfestar heimildir herma að þeir hafi einnig brotist inn í talhólf Trump og lekið skilaboðum til vefsíðunnar Gawker.

Frétt Fortune af herferð Anonymous gegn Donald Trump

Tengdar fréttir

Forsetakosningar í Bandaríkjunum 2016

Obama kenndi Clinton um sigur Trump

• Minnka vægi ofurkjörmanna
• Vill rannsókn á kosningabaráttu Clinton
• Samfélagsmiðlar undir smásjá Bandaríkjaþings
• Samþykkir val á Rex Tillerson

» Fleiri tengdar fréttir

• 3 blogg um fréttina

Bloggað um fréttina

• S i g u r ð u r S i g u r ð a r s o n: Anonymous hakkarar eru stórhættulegir lýðræðinu
• Geir Ágústsson: Á nú endanlega að tryggja kjör Trump til forseta?
• Ægir Óskar Hallgrímsson: Hálfvitar....