Gríska þingið hefur samþykkt umdeildar endurbætur sem snúa að skattkerfinu og lögum um lífeyrissjóði. Samþykkt aðgerðanna er forsenda þess að ríkið fái greitt úr björgunarpotti sem settur var á laggirnar til að bjarga því frá gjaldþroti.

Áður en atkvæðagreiðsla um breytingarnar fór fram, köstuð mótmælendur eldsneytissprengjum að lögreglu, sem svaraði með táragasi.

Á mánudag munu fjármálaráðherrar evruríkjanna funda í Brussel til að leita leiða til að koma í veg fyrir nýja krísu á svæðinu.

Umræður á þinginu stóðu yfir í tvo daga en á meðan mótmæltu þúsundir í Aþenu og Thessaloniku, flestir friðsamlega. Efnt var til þriggja daga allsherjarverkfalls, sem lamaði almenningssamgöngur og hægði á þjónustu hins opinbera og fjölmiðla.

Forsætisráðherranum Alexis Tsipras tókst þó að tryggja samþykkt aðgerðanna, sem fela m.a. í sér að ákveðnar lífeyrisgreiðslur lækka, að lífeyrissjóðir verða sameinaðir og að skattar verða hækkaðir á þá sem eru með miðlungs og háar tekjur.

Á fundi ráðherrana munu þeir m.a. leggja mat á þær aðgerðir sem stjórnvöld í Grikklandi hafa gripið til til að koma böndum á skuldabagga ríkisins.

BBC sagði frá.

Tengdar fréttir

Grikkland

Ferðamönnum boðið frítt til Grikklands

• Grikkir ganga til kosninga
• Sprengjutilræði í Aþenu
• Efnahagsaðstoð við Grikki lokið
• Ekkert samkomulag um afskriftir

» Fleiri tengdar fréttir

• 1 blogg um fréttina

Bloggað um fréttina

• Heimssýn: Ráðherrar evruríkjanna reyna að koma í veg fyrir krísu