Flugritar farþegaþotu EgyptAir sem hrapaði í Miðjarðarhafið í síðasta mánuði hætta að virka eftir ellefu daga. Egypsk yfirvöld greindu frá þessu en þotan hrapaði 19. maí með 66 manns um borð. Enn er ekki vitað hvað varð til þess að þotan hrapaði en hún var á leið frá París til Kaíró. Enginn komst lífs af. 

Á flugritunum eru upptökur innan úr flugstjórnaklefa þotunnar sem gætu útskýrt hvað varð til þess að þotan hrapaði. 

Sjórinn þar sem þotan hrapaði er talinn vera um 3.000 metra djúpur og m.a. hafa verið notaðir kafbátar við leitina að flugritunum.

Fyrst um sinn sögðu egypsk yfirvöld það líklegra að þotunni hafi verið grandað af hryðjuverkamönnum en telja nú auknar likur á að tæknilegur galli hafi verið til staðar.

Tengdar fréttir

Farþegaþota EgyptAir hrapar

Ryanair gerði stórinnkaup á 737 MAX-vélum

• Maxinn fer í loftið í vor
• Lögðu líf almennings í hættu
• Öryggislending vegna sprengjugabbs
• Fundu leifar af sprengiefni

» Fleiri tengdar fréttir

• Blogga um frétt