Framlengingin samþykkt með fyrirvara
Setja bókamerki
Evrópusambandið hefur ákveðið að framlengja refsiaðgerðir sínar gegn Rússlandi vegna innlimunar rússneskra stjórnvalda á Krímsskaga og stuðnings þeirra við aðskilnaðarsinna í austurhluta Úkraínu. Þetta kemur fram á fréttavefnum Euobserver.com.
Fram kemur í fréttinni að þrjú ríki Evrópusambandsins hafi hins vegar fallist á framlengingu refsiaðgerðanna með fyrirvara um samþykkt þjóðþinga sinna, það er Frakkland, Svíþjóð og Bretland. Þetta þýðir að framlengingin tekur ekki gildi nema þing ríkjanna leggi blessun sína yfir hana.
Haft er eftir ónafngreindum embættismanni að um eðlilega afgreiðslu sé að ræða og að fulltrúar ríkjanna þriggja hefðu ekki samþykkt framlenginguna fyrir sitt leyti ef þeir teldu ekki að þeir hefðu stuðning þjóðþinga sinna að baki sér.
Myndskeið: Segjast hafa skotið niður sprengjuflugvél
Gerir ráð fyrir 150 samningum í næstu viku
Segjast ekki vera á kaldri slóð
29 nautgripir fundust dauðir
Segjast hafa skotið niður langdræga sprengjuvél
Mikilvægt að vera á tánum