Tyrkneska lögreglan handtók í morgun tuttugu grunaða liðsmenn hryðjuverkasamtakanna Ríkis íslams í borginni Adana í suðurhluta landsins.

Tyrkneski fjölmiðillinn Dogan greindi frá þessu í morgun.

Lögreglumenn réðust inn á 22 staði í borginni í morgun eftir að lögreglan fékk nafnlausa ábendingu um að liðsmenn hryðjuverkasamtakanna væru að skipuleggja árásir í landinu.

Mennirnir, sumir hverjir hátt settir liðsmenn samtakanna, voru færðir í gæsluvarðhald á lögreglustöðinni í Adana. Þar verða þeir yfirheyrðir.

Recep Tayyip Erdogan, forseti Tyrklands, hefur sagt að vígamenn Ríkis íslams frá fyrrum Sovétríkjunum hafi staðið að baki árásinni á Ataturk-alþjóðaflugvöllinn í Istanbúl í júní síðastliðnum. 45 manns létu lífið í árásinni.

Tugir manna hafa verið handteknir í tengslum við rannsókn málsins, að því er segir í frétt Reuters.

Tengdar fréttir

Sprengjuárásir í Tyrklandi

Sendiráði Bandaríkjanna lokað

• Sprenging í Tyrklandi
• Ráðist gegn Kúrdum
• Alls 30 ákærðir vegna árásarinnar
• Tveir Rússar sprengdu sig

» Fleiri tengdar fréttir

• Blogga um frétt