Tyrklandsher gerði árásir á búðir kúrdískra skæruliða í norðurhluta Íraks í gærkvöldi, eða innan við sólarhring frá því að tvær sprengjur sprungu í Istanbul. Alls létust 38 í sprengjutilræðunum á laugardagskvöldið.

Fyrir sprengjunni var komið fyrir í bifreið fyrir utan leikvang Besiktas knattspyrnuliðsins og innan við mínútu eftir að hún sprakk sprengdi sjálfsvígsárásarmaður sig upp þar sem hann var í hópi lögreglumanna í almenningsgarði skammt frá. 30 lögreglumenn létust og sjö almennir borgarar. Ekki hafa verið borin kennsl á einn hinna látnu.

Klofningshópur úr Verkamannaflokki Kúrdistan (PKK), Frelsisfálkar Kúrdistan (TAK), báru ábyrgð á tilræðunum og hafa fjölmargir Kúrdar verið handteknir í tengslum við árásirnar í dag af tyrkneskum yfirvöldum.

Samkvæmt upplýsingum frá tyrkneska hernum var gerð árás á höfuðstöðvar PKK í Zap héraði í norðurhluta Íraks og þær gjöreyðilagðar. 

Tengdar fréttir

Sprengjuárás í Istanbúl

Sjö handteknir vegna sjálfsmorðsárásar

• Fylgjast með 74 hryðjuverkamönnum
• Í haldi vegna árásar í Tyrklandi
• Handtóku 68 liðsmenn Ríkis íslams
• Bjóða afbókanir á ferðum til Istanbúl

» Fleiri tengdar fréttir

Sprengjuárásir í Tyrklandi

Sendiráði Bandaríkjanna lokað

• Sprenging í Tyrklandi
• Handtóku vígamenn Ríkis íslams
• Alls 30 ákærðir vegna árásarinnar
• Tveir Rússar sprengdu sig

» Fleiri tengdar fréttir

• Blogga um frétt