Bana al-Abed, sjö ára sýrlensk stúlka sem hefur vakið heimsathygli fyrir Twitter-síðuna sína, hefur verið flutt á brott frá borginni Aleppo.

„Núna í morgun var @AlabedBana bjargað frá #Aleppo ásamt fjölskyldu sinni. Við tökum hjartanlega vel á móti þeim,“ sagði á Twitter-síðu mannúðarsamtakanna IHH.

Bana er með tugi þúsunda fylgjenda á Twitter. Þar tístu hún og móðir hennar frá þeim hörmungum sem fjölskylda þeirra hefur þurft að ganga í gegnum vegna borgarastyrjaldarinnar í landinu.

Litið hefur verið á Bana sem táknmynd þeirra sorglegu atburða sem hafa átt sér stað í Sýrlandi. Bashar al-Assad, forseti Sýrlands, hefur þó ekki verið á sama máli og hefur gagnrýnt tíst mæðgnanna og sagt þau vera hreinan og kláran áróður.

Fatimeh, móðir Bana al-Abed. AFP

Á síðunni birtu þær myndir af eyðileggingunni í Alepoo, þar á meðal í götunni þar sem þær bjuggu. Fjölmargir fylgjendur þeirra hafa sent tíst til baka þeim til stuðnings.

AFP

Að minnsta kosti 15 þúsund börn eru á meðal þeirra 300 þúsund manna sem hafa dáið í stríðinu í Sýrlandi sem hefur staðið yfir í fimm ár.

Bana al-Abed ásamt bræðrum sínum í austurhluta Aleppo. AFP

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• 1 blogg um fréttina

Bloggað um fréttina

• Kristin stjórnmálasamtök: Sjö ára sýrlenzka stelpan Bana al-Abed er hólpin :)