Börn, allt niður í fjögurra ára gömul, eru talin hafa verið beitt kynferðislegu ofbeldi innan bresku íþróttahreyfingarinnar. Rannsókn á barnaníði í ensku knattspyrnunni vindur sífellt upp á sig. 

Í nýrri skýrslu frá NPCC, landssamtökum lögreglustjóra í Bretlandi, kemur fram að mikil fjölgun hafi orðið á tilkynningum um slíkt níð frá því rannsóknin hófst í síðasta mánuði.

Alls eru 148 knattspyrnufélög til rannsóknar, 155 meintir níðingar og 429 fórnarlömb sem voru á aldrinum fjögurra ára upp í tvítugt þegar brotið var á þeim. Flest brotin voru framin fyrir meira en tveimur áratugum.

Þrjár af hverjum fjórum tilkynningum um kynferðislegt ofbeldi innan ensku knattspyrnunnar hafa komið í gegnum hjálparlínu sem enska knattspyrnusambandið og samtökin Prevention of Cruelty to Children (NSPCC), settu upp í sameiningu. Fjórðungur hafa leitað beint til lögreglu.

98% fórnarlambanna eru strákar og NPCC staðfestir að tilkynningar hafi borist um barnaníð í öðrum íþróttagreinum. 

Tengdar fréttir

Kynferðislegt ofbeldi í íþróttum

„Þú stalst barnæsku minni“

• Forsetanum mjög brugðið
• Sundþjálfari ákærður fyrir barnaníð
• Fundinn sekur um fjölda brota
• 15 ára varð ófrísk eftir þjálfarann

» Fleiri tengdar fréttir

• Blogga um frétt