Vegum fyrir framan Buckinghamhöll verður nú lokað á meðan hin daglegu vaktaskipti hallarvarðanna fara fram. Var ákvörðun um þetta tekin í ljósi árásarinnar í Berlín á mánudag, sem varð tólf manns að bana.

Athöfnin dregur jafnan að sér mikinn fjölda ferðamanna, fyrir utan hlið hallarinnar í miðborg Lundúna.

Lögreglan segir lokanirnar vera nauðsynlega ráðstöfun, þar sem athöfnin sé fjölmörgum kunn, hún eigi sér stað við mjög þekkt kennileiti, og liðsmenn hersins séu þar öllum til sýnis.

Þegar hafði verið ráðgert að prófa að loka vegunum um þriggja mánaða skeið, en í tilkynningu frá lögreglunni segir að því hafi verið flýtt vegna árásarinnar í þýsku höfuðborginni.

Tengdar fréttir

Árás í Berlín

Lést í kjölfar áverka 5 árum eftir árásina

• Rýmdu jólamarkað vegna grunsamlegra manna
• Viðurkenna mistök í kjölfar árásar
• „Vítaverð mistök voru gerð“
• Þrír meintir hryðjuverkamenn handteknir

» Fleiri tengdar fréttir

• Blogga um frétt