Indverskur lögreglumaður var handtekinn í dag grunaður um að hafa nauðgað þroskaskerti konu í suðurhluta landsins. 

Hann er sakaður um að hafa boðið konunni, sem er þrítug að aldri, far þegar hann ók fram á hana á göngu meðfram þjóðveginum og nauðgað henni síðan í bílnum. 

Yfirlögregluþjóninn í Karnataka, Isha Pant, segir að lögreglumanninum hafi verið vikið frá störfum eftir að móðir konunnar lagði fram kæru í gærkvöldi. 

Ofbeldið átti sér stað um helgina þegar fjölmenn uppskeruhátíð var haldin í héraðinu og fáir strætisvagnar á ferðinni. Því þáði konan far hjá lögreglumanninum, að því er segir í frétt AFP.

Tengdar fréttir

Kynbundið ofbeldi á Indlandi

Mótmæla nauðgun á níu ára stúlku

• 13 og 16 ára stúlkur fundust látnar
• Prestur handtekinn fyrir morð og nauðgun
• Hrottalegar nauðganir sem leiða til dauða
• Bálför án samþykkis fjölskyldu

» Fleiri tengdar fréttir

• Blogga um frétt