Skrifstofa Kensington-hallar hefur tilkynnt að Vilhjálmur Bretaprins muni láta af störfum fyrir þyrlusveit East Anglia næsta sumar og sinna konunglegum skyldustörfum í fullu starfi þaðan í frá. Þetta þýðir að hertogahjónin flytjast til Lundúna, þar sem börnin þeirra munu ganga í skóla.

Gert er ráð fyrir að Vilhjálmur og Katrín, eiginkona hans, muni í auknum mæli hlaupa í skarðið fyrir drottninguna auk þess að sinna eigin hugðarefnum.

Að sögn fulltrúa hertogahjónanna í Kensington-höll hafa þau átt góðar stundir í Norfolk og munu áfram eiga heimili í Anmer Hall. Frá og með haustinu munu þau hins vegar dvelja oftar í höfuðborginni.

Þá er haft eftir Vilhjálmi að það hafi verið forréttindi að fá að starfa fyrir þyrlusveit East Anglia. „Frá tíma mínum í hernum hef ég fengið reynslu í þessu starfi sem mun fylgja mér alla ævi og veita mér mikilsvert samhengi í konunglegum störfum mínum næstu áratugi.“

Ekki er vitað hvar börnin munu sækja skóla og leikskóla.

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt