Trump tekur Bandaríkin út úr TPP
Setja bókamerki
Tengdar fréttir
Forsetakosningar í Bandaríkjunum 2016
Donald Trump, forseti Bandaríkjanna, mun síðar í dag undirrita tilskipun þess efnis að Bandaríkjamenn láti af þátttöku sinni í fyrirhuguðum fríverslunarsamningi ríkja við Kyrrahaf sem samið var um í tíð forvera hans í embætti, Baracks Obama.
Rifjað er upp í frétt AFP að Trump hafi í kosningabaráttu sinni heitið því að draga Bandaríkin út úr samningnum sem var undirritaður árið 2015 en hefur ekki verið endanlega staðfestur af þeim tólf ríkjum sem eiga aðild að honum að Japan undanskildu.
Trump hefur haldið því fram að samningurinn, sem nefnist Trans-Pacific Partnership (TPP), kosti bandarísk störf og gangi þvert á hagsmuni Bandaríkjanna. Yfirlýst markmið samningsins var að stemma stigu við vaxandi efnahagslegum áhrifum Kína.
Ríkin sem undirrituðu fríverslunarsamninginn eru auk Bandaríkjanna og Japans Ástralía, Kanada, Malasía, Mexíkó, Nýja-Sjáland og Brúnei. Óvíst er um framtíð samningsins láti Bandaríkin af þátttöku sinni en forsætisráðherra Japans, Shinzo Abe, hefur sagt að án Bandaríkjamanna sé ekkert vit í honum.
Tengdar fréttir
Forsetakosningar í Bandaríkjunum 2016
„Menn eru bara búnir að forgangsraða“
/frimg/9/40/940831.jpg)
Telur eyðsluna munu rjúka upp úr öllu valdi
Ekki byggt í takt við áform sveitarfélaga
Færa slökkviliðið til nútímans
Ofsóttur innan veggja Boeing
Hafa samþykkt kaup fyrir um 9,2 milljarða
„Það er skiljanlegt að þolinmæði þeirra sé lítil“