Rússar hyggjast halda Krímskaga

Vladimir Pútín hyggst ekki skila Krím-skaga, þvert á væntingar Bandaríkjaforseta.
Vladimir Pútín hyggst ekki skila Krím-skaga, þvert á væntingar Bandaríkjaforseta. AFP

Utanríkisráðherra Rússlands hefur sagt að Rússar hyggist halda Krímskaga en ekki skila honum aftur til Úkraínu. Maria Zakharova, talsmaður ráðuneytisins, sagði á vikulegum blaðamannafundi í dag að Krím væri hluti af Rússlandi.

Ummæli talsmannsins koma á hæla þess að Sean Spicer, fjölmiðlafulltrúi Hvíta hússins, sagði í gær að Donald Trump Bandaríkjaforseti gerði ráð fyrir að stjórnvöld í Moskvu afturkölluðu herafla sinn frá svæðinu, sem þau hefðu hernumið í kjölfar innrásar árið 2014.

Þá gerði hann ráð fyrir að þau „skiluðu“ Krím.

Gert er ráð fyrir að Sergei Lavrov, utanríkisráðherra Rússlands, og Rex Tillerson, utanríkisráðherra Bandaríkjanna, muni funda á hliðarlínum G20-fundarins sem hefst á morgun.

Trump virðist hafa breytt nokkuð um afstöðu frá því í kosningabaráttunni en í júlí síðastliðnum sagði hann að átökin í Úkraínu væru „meira evrópskt vandamál“ og að Bandaríkin ættu bara að láta til sín taka varðandi Krím ef önnur Evrópuríki bæðu um aðstoð.

Þá sagði hann að Vladimir Pútín Rússlandsforseti myndi ekki grípa til hernaðaraðgerða í Úkraínu, jafnvel þótt Rússar hefðu þá þegar innlimað Krímskaga.

Tilburðir Rússa á svæðinu hafa vakið áhyggjur annarra nágrannaríkja af fyrirætlunum stjórnvalda í Moskvu.

CNN sagði frá.

mbl.is

Frá Sýrlandi til Evrópu - Greinaflokkur

Bækur til sölu
Um Urnot, bókin hennar Bjarkar, Færeyingasaga 1832, Njála 1772, Það blæðir úr mo...
Borðstofuborð ásamt sex stólum frá Öndvegi / Heimahúsinu til sölu
Tilboð óskast í borðstofuborð með sex stólum frá Öndvegi / Heimahúsinu. Borðið e...
INTENSIVE ICELANDIC, ENGLISH & NORWEGIAN f. foreigners - ÍSLENSKA f. útl - ENSKA f. fullorðna - NORSKA
START/BYRJA: 2018: 5/2, 5/3, 2/4, 30/4, 28/5, 25/6 - (HOLIDAY/FRÍ: 18/7-21/8) 3...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
 
Uppboð
Nauðungarsala
Uppboð Einnig birt á www.naudungarsolu...
Aðalfundur isnic 2018
Fundir - mannfagnaðir
Aðalfundur ISNIC 2018 Aðalfundur Inter...
Framboðslisti
Fundir - mannfagnaðir
Framboðslisti Sjál...
Háseti
Sjávarútvegur
Háseti Vísir hf óskar eftir að...