Drápu tengdason Osama bin Laden

Osama bin Laden var ráðinn af dögum árið 2011. Nú ...
Osama bin Laden var ráðinn af dögum árið 2011. Nú hefur tengdasonur hans verið drepinn með dróna. AFP

Einn helsti leiðtogi hryðjuverkasamtakanna Al-Qaeda og tengdasonur Osama bin Laden, Abu Khayr al-Masri  lét lífið í drónaárás bandamanna í Sýrlandi í vikunni. Samtökin staðfestu þetta í tilkynningu í gær.

Samkvæmt frétt AFP var Masri talinn vera „maður númer tvö“ í samtökunum og er því haldið fram að drápið á honum gæti komið sér mjög vel fyrir ímynd Donald Trump, forseta Bandaríkjanna og öryggissveita hans.

Í tilkynningu Al-Qaeda var Masri sagður hafa verið „hetja“ og að hann hafi verið drepinn í drónaárás „krossfaranna“.

Þá er núverandi leiðtoga samtakanna, Ayman al-Zawahiri vottuð samúð vegna fráfalls Masri.

Árásin mun hafa verið gerð í eða nálægt borginni Idlib í norðvestur Sýrlandi. Bandamenn hafa bætt í árásir sínar á svæðinu upp á síðkastið en þar ráða liðsmenn Al-Qaeda í  Sýrlandi ríkjum að miklu leyti. Snemma í síðasta mánuði sagði Varnarmálaráðuneyti Bandaríkjanna að Bandamenn hefðu drepið ellefu  liðsmenn Al-Qaeda í borginni.

Masri var þekktur fyrir aðild sína að hryðjuverkum síðustu áratugina, m.a. á sendiráð Bandaríkjanna í Kenía árið 1998.

Hann var handtekinn í Íran árið 2003 og var í haldi til ársins 2015 þegar honum var sleppt í skiptum fyrir íranskan diplómata sem hafði verið í haldi Al-Qaeda í Jemen.

AFP vitnar í Charles Lister, sérfræðing í málefnum Miðausturlanda sem segir nokkuð víst að Al-Qaeda muni reyna að hefna fyrir drápið á Masri á einhvern hátt, hvort sem það verði í Sýrlandi eða annarsstaðar.

mbl.is

Bloggað um fréttina

Frá Sýrlandi til Evrópu - Greinaflokkur

antik flott innskotsborð innlögp plata
er me falleg innskotsborð,innlögð rós í plötu í góðu standi.fæst á 45,000 kr sí...
Til að ferðast með nuddbekkinn
Til að ferðast með nuddbekkinn www.egat.is verð 8900 kr. sími 8626194...
ORNIKA - TREGGING frá YEST
Þær eru komnar aftur, vinsælu ORNIKA treggingsbuxurnar frá YEST Vertu þú sjál...
 
Aukatekjur vikulega
Önnur störf
Aukatekjur Morgunblaðið vantar fólk ...
Byggðakvóti
Tilkynningar
Auglýsing vegna úthlutunar byggða...
Uppboð
Nauðungarsala
Uppboð Einnig birt á www.naudungarsolu...
Auglýsing
Tilkynningar
Auglýsing um framlagningu kjörskrár, til...