Þýskaland skuldi NATO gífurlegar fjárhæðir
Setja bókamerki
Donald Trump Bandaríkjaforseti sakar Þýskaland um að skulda Atlantshafsbandalaginu „gífurlegar fjárhæðir“ og segir að stjórnvöld í Berlín ættu að borga Bandaríkjunum meira fyrir varnarmál, aðeins degi eftir fund sinn með Angelu Merkel Þýskalandskanslara.
Leiðtogarnir tveir virtust ósammála um öll helstu umræðuefnin á fundi þeirra í gær, þar á meðal málefni NATO og útgjöld til varnarmála. Trump er því ekki sammála og segir hann fundinn hafa verið frábæran. Til að tjá sig greip hann eins og oft áður til Twitter:
Gaf tóninn á síðasta ári
Á sameiginlegum blaðamannafundi með Merkel í gær heimtaði Trump, sem hefur gagnrýnt Atlantshafsbandalagið og fullyrt að það sé úrelt, að bandamenn Bandaríkjanna í hernaðarbandalaginu borguðu til baka „gífurlegar fjárhæðir frá fyrri árum“.
Merkel sagði þá að Þýskaland hefði skuldbundið sig til að auka hernaðarútgjöld upp í tvö prósent af þjóðarframleiðslu, sem áður hafði verið samþykkt að Evrópulönd NATO gerðu.
Trump gaf tóninn fyrir samskipti sín við Merkel í framboði sínu á síðasta ári, þar sem hann fullyrti að ákvörðun hennar um að hleypa flóttamönnum inn í Þýskaland væri „hörmuleg mistök“ og gaf í skyn að hún væri að „rústa Þýskalandi“.
Unnu að fullum heillindum að kaupum á TM
Færa slökkviliðið til nútímans
Gerir ráð fyrir 150 samningum í næstu viku
Myndskeið: Segjast hafa skotið niður sprengjuflugvél
Hyggjast leyfa fólki að skoða gosið
Segjast hafa skotið niður langdræga sprengjuvél
Almannavarnir auka viðbúnað
Bjarkey stendur við skammarbréf Svandísar