Lykilhlutverk Rússa eftir loftárásir
Setja bókamerki
Bashar al-Assad, forseti Sýrlands, segir að Rússar getið leikið mikilvægt hlutverk í þeim deilum sem hafa orðið eftir að skotið var á ísraelskar herþotur er þær gerðu loftárásir á nokkur skotmörk í Sýrlandi.
„Rússar geta haft sitt að segja til að fá Ísraela til að hætta árásum á Sýrland,“ sagði Assad við rússneska blaðamenn.
„Ég held að Rússland geti leikið stórt hlutverk í þessum efnum.“
Utanríkisráðuneyti Rússlands kallaði sendiherra Ísraels í landinu á sinn fund vegna loftárásanna, sem voru gerðar skammt frá hersveitum Rússa í sýrlensku borginni Palmyra.
Ísraelski herinn segir að loftárásunum hafi verið beint að vopnum sem Hezbollah-hreyfingin í Líbanon átti að fá. Hreyfingin styður stjórnvöld í Sýrlandi.
Assad hélt áfram og sagði að „hvers kyns hernaðaraðgerð í Sýrlandi sem er ekki gerð með samþykki sýrlensku ríkisstjórnarinnar er ólögleg.“
„Ef það eru einhverjar hersveitir á sýrlensku landsvæði kallast það innrás,“ bætti hann við og sagði það rétt og skyldu hverrar þjóðar að verja landamæri sín.
Aukin tíðni þungunarrofa hjá yngsta aldurshópnum
„Það er skiljanlegt að þolinmæði þeirra sé lítil“
Starfsfólk gæti fengið reikning frá Skattinum
Benda á Samgöngustofu sem bendir út í heim
„Þögnin er ærandi“
„Tíminn er runninn út fyrir Kristján Loftsson“
Kvikan virðist nú skiptast til helminga