Sýndi sig fyrir stúlku og varð fyrir krókódílaárás

Unglingur sem varð fyrir árás krókódíls í Ástralíu stökk út í á til að reyna að ganga í augun á stúlku.

Hinn átján ára gamli Ástrali, Lee de Paauw, hlaut alvarlega áverka á handlegg. Hann segist vera heppinn að hafa komist á lífi úr Johnstone-ánni í bænum Innisfail. 

Í frétt Sky um málið segir að unglingurinn hafi verið að monta sig af því á hótelinu sem hann var á að hann gæti synt í ánni. 

„Þetta gerðist allt mjög hratt. Um leið og hann stökk út í sáust skvettur og óp heyrðust,“ segir bresks stúlka, sú hin sama og drengurinn var að reyna að ganga í augun á. Hún segir að blóð hafi verið út um allt og hann ungi maðurinn hafi öskrað lengi.

Stúlkan viðurkennir að hún hafi manað piltinn til að stökkva út í en segist ekki hafa haldið að hann myndi láta verða af því. 

• Blogga um frétt