Rænt og nauðgað á Indlandi
Setja bókamerki
Þýsk ferðakona hefur sakað tvo menn um að hafa rænt sér og nauðgað í Tamil Nadu-ríki á Indlandi og hefur læknisrannsókn staðfest frásögn konunnar af kynferðislegu ofbeldi. Aðeins nokkrar vikur eru síðan írskri konu var nauðgað og hún myrt í Goa á Indlandi.
Þýska konan dvaldi á hóteli á einkaströnd, skammt frá ferðamannabænum Mamallapuram. Hún segir að tveir menn hafi ráðist á hana og farið með hana á afvikinn stað þar skammt frá og nauðgað henni.
Að sögn lögreglu er mannanna nú leitað og hafa þegar nokkrir verið yfirheyrðir vegna málsins en þýska sendiráðið hefur verið upplýst um árásina.
Tæpar þrjár vikur eru síðan 28 ára gamalli írskri konu var nauðgað og hún síðan myrt í Goa. Lík Danielle McLaughlin fannst skammt frá ströndinni 16. mars. Miklir og margvíslegir áverkar voru á líkinu en lögregla hefur handtekið mann úr nágrenninu og ákært hann fyrir nauðgun og morð.
Tveir í bílnum sem lenti utan vegar
„Hvílir mikil leynd yfir þessu öllu“
Sex hafa greinst með listeríu
Banna mengandi búnað sem leyfður er á Íslandi
Kostnaður meiri en milljón á fermetra
„Höfum ekki náð að skríða upp úr þeirri gryfju“
Skiptir miklu meira máli en fólk grunar