Þegar Rakhmat Akilov sótti um leyfi til landvistar í Svíþjóð árið 2014, gerði hann það undir allt öðru nafni: Rahmatjon Kurbonov. Þetta kemur fram í frétt Aftonbladet.

Nú, þremur árum síðar, er hann grunaður um að hafa ekið vörubíl yfir gangandi vegfarendur í Stokkhólmi og þannig orðið að minnsta kosti fjórum að bana.

Nefnd innflytjendamála hafnaði umsókn hans og úrskurðaði að hann skyldi fluttur úr landi. Akilov áfrýjaði þá úrskurðinum til sérstaks dómstóls í innflytjendamálum, þar sem málflutningur fór fram í september á síðasta ári.

Ástæðurnar sem hann gaf fyrir umsókninni voru á þann veg að hann hefði verið handtekinn í heimalandi sínu, Úsbekistan, og sakaður af yfirvöldum um að vera hryðjuverkamaður.

Þá sagði hann að ættingi hans hefði hjálpað honum að komast út úr fangelsi með því að múta yfirvöldum með fjárhæð að andvirði tíu þúsund bandaríkjadala, eða fyrir rúma milljón króna.

Hann hefði þá flúið til Svíþjóðar um borð í vörubíl, og aðeins farið úr honum einu sinni á leið sinni, í Danmörku.

Rétturinn breytti þó ekki úrskurði nefndarinnar. Framburður Akilov var ekki tekinn trúanlegur.

Tengdar fréttir

Árás í Stokkhólmi

Óformleg minningarathöfn í Stokkhólmi

• Hlaut lífstíðardóm fyrir hryðjuverk
• Kveða upp dóm vegna hryðjuverkaárásar
• Biður um að vera ekki framseldur
• „Gerði þetta því mig verkjar í hjartað“

» Fleiri tengdar fréttir

• Blogga um frétt