Enginn vafi um efnavopnaárásina
Setja bókamerki
Bandaríkin eru í engum vafa um að ríkisstjórn Sýrlands hafi staðið að efnavopnaárásinni sem gerð var í bæ uppreisnarmanna í síðustu viku, með þeim afleiðingum að tugir létu lífið. Þetta segir varnarmálaráðherrann James Mattis.
Á blaðamannafundi síðdegis í dag tjáði hann viðstöddum að stefna Bandaríkjanna í Sýrlandi hefði ekki breyst, jafnvel eftir að Bandaríkin skutu eldflaugum á sýrlenska flugherstöð. Í forgangi sé ávallt að sigrast á hryðjuverkasamtökunum sem kalla sig Íslamska ríkið.
„Það leikur enginn vafi á um það að sýrlenska ríkisstjórnin er ábyrg fyrir ákvörðuninni um árásina og fyrir árásinni sjálfri,“ segir Mattis.
Fundurinn var sá fyrsti sem Mattis heldur síðan hann tók við embættinu, en hann ítrekaði viðvaranir um að frekari notkun efnavopna yrði mætt af hörku.
Kostnaður meiri en milljón á fermetra
Veiting hvalveiðileyfis ekki brot á EES-samningi
Tveir í bílnum sem lenti utan vegar
„Á réttri leið en nokkuð í land ennþá“
Verðbólgan komin niður í 6%
„Það þarf að vinna mikinn fjölda upp“