Flugskeytaárás á Bandaríkin hluti af hátíðarhöldunum

Mikil hersýning var haldin í Pyongyang í tilefni dagsins.
Mikil hersýning var haldin í Pyongyang í tilefni dagsins. AFP

Þegar yfirvöld í Norður-Kóreu héldu um helgina upp á það að 105 ár eru frá fæðingu Kim Il Sung, stofnanda ríkisins, var boðið upp á tónlistarsýningu sem endaði með myndbandi sem sýndi flugskeytaárás á Bandaríkin.

Myndbandsýningin vakti mikinn fögnuð hjá áhorfendum og fékk bros að launum frá Kim Jong-un, leiðtoga Norður-Kóreu sem jafnframt er barnabarn stofnanda ríkisins.

Reuters-fréttastofan segir norðurkóreska ríkissjónvarpið hafa sýnt frá hátíðarhöldunum á sunnudag, en daginn áður hafði verið boðið til mikillar hersýningar í höfuðborginni Pyongyang.

Hermenn veifa almenning að lokinni hersýningunni.
Hermenn veifa almenning að lokinni hersýningunni. AFP

Tónleikunum á sunnudag lauk með myndskeiðum af flugskeytatilraunum norður-kóreska hersins. Búið var hins vegar að bæta fleiri flugskeytum inn á myndskeiðið og voru þau sýnd skjótast yfir Kyrrahafið og springa síðan sem risastórir eldhnettir á bandarískri grundu.

Myndbandinu lauk með mynd af bandaríska fánanum í logum og röð af hvítum krossum í kirkjugarði.

„Þegar sýningunni lauk fögnuðu listamennirnir og þátttakendur í hersýningunni með miklum húrrahrópum,“ sagði í umfjöllun KCNA ríkisfréttastofunnar um málið.

Yfirvöld í Norður-Kóreu heita því reglulega að leggja Bandaríkin í eyði og í kjölfar þeirra auknu spennu sem nú er í samskiptum ríkjanna hafa menn ekki verið sparir á stóru orðin. Hefur Norður-Kórea þannig hótað kjarnorkustríði grípi Bandaríkin til hernaðaraðgerða gegn þeim.

Dansað var á torgi Kim Il-Sung í tilefni þess að ...
Dansað var á torgi Kim Il-Sung í tilefni þess að 105 ár eru frá fæðingadegi stofnanda Norður-Kóreu. AFP
mbl.is
Tölvuþjónusta
Alhliða tölvuviðgerð, vírushreinsun, vírusvarnir, gagnabjörgun og verðtilboð. F...
215/75X16
Til sölu 2st Contenental dekk notuð 215/75x16 undan Ford Transit húsbíl sterk ...
Bækur
Til sölu fullt af alls kyns bókum, upplýsingar í síma 8920213...
Sendibílaþjónustan Skutla. Sími 867-1234
Tökum að okkur allrahanda sendibílaþjónustu á sanngjörnu verði. Sjá nánar á www....
 
Samkoma
Félagsstarf
Söngsamkoma kl. 20 í Kristni- boðssalnu...
Vélavörður
Sjávarútvegur
Vélavörður Vísir hf. óska...
Útboð rangárþing
Tilkynningar
ÚTBOÐ Uppbygging og rekstur ljósleiða...
Framhald
Nauðungarsala
Uppboð Einnig birt á www.naudungarsolu...