Evrópusambandið vill að Bretar geri upp skuldbindingar sínar gagnvart sambandinu áður en þeir ganga úr því og ennfremur að þær verði greiddar í evrum. Þetta kemur fram í skjali frá framkvæmdastjórn Evrópusambandsins sem AFP fréttaveitan hefur undir höndum. 

Bresk stjórnvöld og Evrópusambandið hafa deilt um það hvort Bretum beri að standa við skuldbindingarnar sem meðal annars snúa að greiðslu launa embættismanna sambandsins. Hafa fulltrúar Evrópusambandsins talað um 60 milljarða evra í því sambandi. Bretar segja á móti að þeir eigi inni háar fjárhæðir hjá sambandinu meðal annars í formi fasteigna.

Viðræður hefjast í sumar á milli Bretlands og Evrópusambandsins um fyrirkomulag útgöngu landsins úr sambandinu. Fram kemur í skjalinu að í viðræðunum þurfi að skilgreina nákvæmlega með hvaða hætti þessar skuldbindingar verði reiknaðar og að þær greiðslur ættu að vera í evrum. 

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt