Mikill meirihluti hlynntur Brexit

AFP

Rúmlega tveir af hverjum þremur Bretum eru hlynntir útgöngu Bretlands úr Evrópusambandinu (Brexit) samkvæmt niðurstöðum nýrrar skoðanakönnunar sem fyrirtækið YouGov framkvæmdi en fjallað er um þær á fréttavef breska dagblaðsins Daily Telegraph.

Fram kemur í fréttinni að samtals séu 68% þeirrar skoðunar að ríkisstjórn Bretlands eigi að halda sig við þau áform sín að yfirgefa Evrópusambandið. Þar af eru 45% sem segjast hafa kosið með útgöngunni í þjóðaratkvæði sem fram fór í landinu á síðasta ári og eru enn hlynnt henni og 23% sem segjast hafa kosið með áframhaldandi veru í sambandinu en telja að stjórnvöldum beri skylda til þess að framkvæma vilja meirihluta kjósenda.

Meirihlutinn, eða 52%, kaus með því að ganga úr Evrópusambandinu í þjóðaratkvæðinu en 48% voru því andsnúin. Tæpur fjórðungur eða 22% segjast hafa greitt atkvæði gegn útgöngu úr sambandinu í þjóðaratkvæðagreiðslunni og vera þeirrar skoðunar að stjórnvöld eigi að hunsa niðurstöðu hennar.

Framkvæmdastjóri alþjóðaverkefna YouGov, Marcus Roberts, segir í samtali við fréttavefinn að þetta þýði að breski Íhaldsflokkurinn sé að fiska í mjög stóru stöðuvatni á meðan hinir flokkarnir væru að dorga í tjörn. Vísar hann þar til þess að íhaldsmenn hafa haft forystu um það frá þjóðaratkvæðinu að ganga úr Evrópusambandinu undir forystu Theresu May, forsætisráðherra og leiðtoga Íhaldsflokksins.

Verkamannaflokkurinn hefur á sama tíma ekki tekið afgerandi afstöðu með eða á móti útgöngunni og deilur staðið yfir innan flokksins á meðan Frjálslyndir demókratar eru andvígir því að ganga úr Evrópusambandinu.

Skoðanakannanir hafa bent til þess að Íhaldsflokkurinn eigi eftir að vinna stórsigur í þingkosningunum 8. júní.

mbl.is
Bátavél og dýptamælir til sölu
Til sölu bátavél SABB Mitsubishi M4 69 hp með skiptiskrúfu og dýptarmælir JRV F...
Til sölu Færeyingur Haffrúin 6032
Gengur í Strandveiðina, Ný vél, vökvagír, skrúfa og mælaborð, nýtt rafkerfi,raf...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Anne-Gaëlle et Benjamin
Le plus beau des voyages c'est celui que nous accomplissons désormais, celui qui...
 
Úthlutun
Tilkynningar
Auglýsing vegna úthlutunar byggð...
Aðalfundur
Fundir - mannfagnaðir
Félag sjálfstæðismanna, Langholti ...
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...
Útboð rangárþing
Tilkynningar
ÚTBOÐ Uppbygging og rekstur ljósleiða...