James Comey, sem Donald Trump rak úr starfi sem forstjóra bandarísku alríkislögreglunnar FBI í síðustu viku, hefur samþykkt að bera vitni á opnum fundi leyniþjónustunnar.
Efni fundarins eru meint afskipti Rússa af forsetakosningunum í Bandaríkjunum síðastliðið haust.
„Ég vona að vitnisburður Comey muni hjálpa til við að svara einhverjum þeirra spurninga sem hafa vaknað eftir að hann var skyndilega rekinn,“ kom fram í yfirlýsingu frá demókratanum Mark Warner.
„Comey þjónaði landinu vel og á skilið að fá tækifæri til að segja sína hlið. Bandaríska þjóðin á skilið að heyra hans hlið,“ sagði enn fremur í yfirlýsingu Warner.
Ekki er búið að ákveða dagsetningu fyrir opna fundinn en talið er að hann verði 29. maí.
Fyrr í kvöld greindi Washingon Post frá því að háttsettur starfsmaður Hvíta hússins væri meðal þeirra sem rannsókn á tengslum fylgismanna Donalds Trumps við Rússa beinist að. Ekki kemur fram í fréttinni um hvern ræðir.