Breska leyniþjónustan MI5 hefur sett af stað tvær úttektir á því hvernig sú hætta, sem stafaði af hryðjuverkamanninum Salman Abedi áður en hann sprengdi sig og tugi aðra til bana í Manchester á mánudagskvöld, fór fram hjá eftirlitsstofnunum.

Komið hefur í ljós að yfirvöldum var ítrekað tilkynnt að hugur Abedi stæði til hryðjuverka.

Breska dagblaðið Guardian greinir nú frá því að rannsókn á þessu hafi hafist í síðustu viku og að henni sé ætlað að koma auga á augljósa galla í kerfinu. Hin rannsóknin, sem nú er hafin til viðbótar, fari þá nánar ofan í kjöl málsins.

Innanríkisráðherrann Amber Rudd neitaði í dag að fullyrða nokkuð um hvort yfirvöld hefðu farið á mis við tækifæri til að finna út áform Abedi fyrir árás hans.

Tengdar fréttir

Hryðjuverk í Manchester

Í lífstíðarfangelsi vegna Manchester-árásarinnar

• Samsekur í sjálfsvígsárás
• Sakfelldur fyrir 22 morð í Manchester
• Breski sjóherinn bjargaði Abedi
• „Hetjan“ stal frá fórnarlömbunum

» Fleiri tengdar fréttir

• 1 blogg um fréttina

Bloggað um fréttina

• Kristin stjórnmálasamtök: Kerfið brást - eftirlitið allt of slælegt með öfga-islamistum