Ríki íslams lýsir yfir ábyrgð á árásinni

Múslimar í London halda uppi skiltum sem sýna samstöðu með ...
Múslimar í London halda uppi skiltum sem sýna samstöðu með fórnarlömbum árásarinnar í gær. AFP

Hryðjuverkasamtökin Ríki íslams hafa lýst yfir ábyrgð á árásinni í London í gærkvöldi, sem kostaði sjö manns lífið. Aamaq fréttaveita Ríkis íslams segir „aðskilnaðarhóp vígamanna frá Ríki íslams hafa framkvæmt árásirnar í London í gær.“

Þrír menn óku sendibíl inn í hóp vegfarenda við London Bridge og héldu svo áfram fótgangandi að Borough markaðinum og stungu fjölda fólks með hnífi á leið sinni. 48 manns særðust í árásinni, þar af 21 alvarlega. Átta vopnaðir lögreglumenn skutu árásarmennina til bana nokkrum mínútum eftir að fyrsta neyðarkallið barst.

Theresa May, forsætisráðherra Bretlands, sagði í dag „illa“ hugmyndafræði islamista liggja að baki árásinni.

Breska lögreglan hefur handtekið 12 manns í tengslum við rannsókn sína á árásinni og voru 11 þeirra handteknir við húsleit í sama húsi í Barking í austurhluta London í dag. Hefur BBC eftir lögreglunni nú í kvöld að sjö konur á aldrinum 19-60 ára séu í hópi hinna handteknu  og fimm karlar á aldrinum 27 – 55 ára, en einum mannanna hafi nú verið sleppt úr haldi án ákæru. Hinum ellefu er haldið á grundvelli hryðjuverkalaganna.

mbl.is

Bloggað um fréttina

Frá Sýrlandi til Evrópu - Greinaflokkur

Endurskoðun aðalskipulags
Tilkynningar
Endurskoðun aðalskipulags Akraness Alm...
Háseti
Sjávarútvegur
Háseti Vísir hf óskar eftir að...
Uppboð
Nauðungarsala
Uppboð Einnig birt á www.naudungarsolu...
Hafnarvörður
Skrifstofustörf
????????????? ???????????? ??? ??????? ...