Tæplega þúsund manns voru handteknir í mótmælum í Rússlandi sem beinast gegn spillingu í landinu. Að minnsta kosti 600 voru handteknir í Moskvu, höfuðborg Rússalands, og 300 í mótmælum í Pétursborg, að sögn mannréttindasamtakanna OVD-Info.
Áður en mótmælin áttu að fara fram var forsprakki þeirra, rússneski stjórnarandstæðingurinn Alexei Navalny, handtekinn á heimili sínu og settur í stofufangelsi. Navalny hefur verið orðaður við forsetaframboð gegn Vladimír Pútín Rússlandsforseta. Einnig var aðgerðasinninn Daniil Ken handtekinn á heimili sínu.
Þrátt fyrir handtökurnar voru mótmælin fjölmenn og létu stuðningsmenn Navalny þetta ekki á sig fá. Mótmælt var víðs vegar um landið. Samkvæmt sumum fréttamiðlum hótuðu yfirvöld að háskólanemum brottrekstri ef þeir tækju þátt í mótmælunum.
Rússneska lögreglan telur að um fimm þúsund manns hafi tekið þátt í mótmælunum í Moskvu.
Að sögn sjónarvotta gekk lögreglan um og handtók fólk af handahófi.