Nemendur kældu sig niður á útfararstofu

Gestir á kaffihúsi eru kældir niður með vatni á meðan ...
Gestir á kaffihúsi eru kældir niður með vatni á meðan þeir njóta þess að dreypa á veigum sínum. AFP

Nemendur á Spáni voru fluttir á útfararstofu til að kæla sig niður, en ástæðan er sú að hitabylgja gengur yfir landið og hefur hitinn náð yfir 40 stig. Útfararstofan er í borginni Valdemoro sem er nálægt Madríd, höfuðborg landsins. Fólk hefur þurft að grípa til ótal aðgerða til að reyna að kæla sig niður. 

Nemendurnir sem eru á aldrinum 12 til 18 ára voru fegnir að komast í almennilega loftkælingu. Fimm nemendur voru fluttir á sjúkrahús til aðhlynningar vegna hitans. Einn af þeim fékk hitaslag og tveimur til viðbótar var ómótt vegna hitans.  

Skólaárinu á Spáni lýkur í lok júní, fyrr en vanalega, einvörðungu vegna hitabylgjunnar. Skólar í landinu eru ekki í stakk búnir til að takast á við hitabylgjuna með viðeigandi loftkælingu í húsnæðinu. Ástæðan er meðal annars sú að þeir eru fjársveltir vegna efnahagsþrenginga í landinu.    

Menntamálaráðið Feuso hefur óskað eftir því að skóladegi ljúki á hádegi þegar hitabylgjan ríður yfir því skólabyggingin verður að „gufubaði“. Hins vegar hafa stjórnvöld í Madrid heimilað að skóladögum verði fækkað. Orkumálaráðherra Spánar, Alvaro Nadal, hefur lofað að unnið verði að að því að einangra betur alla opinbera skóla.  

Hitabylgjan hefur áhrif á unga sem aldna. Í gær fékk þriggja ára gamall drengur hitaslag þegar hann var í leikskólanum. Hitinn hafði náð 33,3 stigum inni í byggingunni.

Spænska veðurstofan hefur varað við hitabylgju einnig á morgun þar sem hitinn gæti farið yfir 42 stig.   

mbl.is

Frá Sýrlandi til Evrópu - Greinaflokkur

Byggingastjórn - Húsasmíðameistari
Tek að mér byggingastjórn og uppáskrift húsasmíðameistara. Nýbyggingar, viðhald...
ÍBÚÐ TIL LEIGU Björt 110 m 2, 3- 4 herb
ÍBÚÐ TIL LEIGU Björt 110 m 2, 3- 4 herbergja íbúð í 101. Mikil lofthæð, tvennar ...
 
Samkoma
Félagsstarf
Samkoma kl. 20 í Kristni- boðssalnum. R...
Skattadagurinn
Fundir - mannfagnaðir
SKATTADAGUR FLE Ráðstefna um skattam...
Aðalfundur isnic 2018
Fundir - mannfagnaðir
Aðalfundur ISNIC 2018 Aðalfundur Inter...
L helgafell 6018011719 iv/v
Félagsstarf
? HELGAFELL 6018011019 VI Mynd af au...